"Qarabağ"ın Çempionlar Liqasının qrup mərhələsində "Atletiko" ilə səfər matçına hazırlıq proqramı bəlli olub.

Bildirək ki, Ağdam təmsilçisi Madriddə bir məşq keçəcək.
Oktyabrın 29-da yola düşəcək Azərbaycan çempionu ertəsi gün qarşılaşmanın keçiriləcəyi "Vanda Metropolitano" stadionunda məşq keçəcək. Baş məşqçi Qurban Qurbanov yerli vaxtla 18:30-da (Bakı vaxtı ilə 20:30) futbolçuları məşqə çıxaracaq.

"Atletiko" isə oyunöncəsi son məşqini 17:30-da "Visente Kalderon"da keçəcək. Lakin baş məşqçi Dieqo Simeone jurnalistlərin önünə "Vanda Metropolitano"nun konfrans zalında çıxacaq.

Qeyd edək ki, "Atletiko" - "Qarabağ" matçı oktyabrın 31-də oynanılacaq.

Milli.Az