Həsənquliyev Vüqar Emil oğlu 2006-cı ildə Sumqayıt şəhərində anadan olub. Sumqayıt şəhər 24 saylı tam orta məktəbin VIc sinfində oxuyur. Sinif yoldaşları arasında böyük xüsusi hörməti oln Vüqar, həm də nümunəvi şagirdlərdəndir. Vüqar 5 ildir ki taekvondo ilə məşquldur.

Qəhrəmanımız bu günə kimi dəfələrlə Azərbaycanın müxtəlif rayonlarında kecirilən və beynalxalq turnirlərin qalibidir. Şəxsi məşqcisi İsa İsayevdir.
Vüqarın hobbisi isə futbol oynamaqdir. Musiqini də çox sevir.

- Vüqar, idmana olan həvəsin hardandı?

- Dayım idmançıdır. Taekvondo üzrə tanınmış məşqçidir. Mən də onun tələbəsiyəm. Taekvondo çox yaxşı idman mövüdür. Çox sevirəm taekvondonu. Niyammədin Paşayev kimi olmaq istərdim.

- İdmanda kimdir kumirin?

- Rafael Ağayev.

- O axı karateçidir.

- Bəli, karateçidir, özü də əfsanəvi. O, dayımın yaxın dostudur. Bilirsiniz, necə də səmimi insandır? Məncə, o idman dahisidir. Aradabir zalımıza da gəlir. Məni də ruhlandırır. Güclü və səmimi bir dostdur.

Alxas Məmmədov