Oktyabrın 22-də Superliqa çərçivəsində keçirilən “Qalatasaray” – “Fənərbaxça” matçında qalmaqala səbəb olan azarkeşlər yaxalanıb. Türkiyə mətbuatının yaydığı məlumatına görə, 25 gün əvvəlki qarşılaşma ilə bağlı araşdırma davam edir.

Matçdan sonra bir nəfəri bıçaqla yaralayan şəxs və onu döyən iki nəfər saxlanılıb. Oyunun gedişində və ondan sonra dava-dalaşda iştirak edən daha 4 azarkeş tutulub. Maraqlıdı ki, onlardan birinin ötən il noyabrın 9-da həbsxanadan qaçdığı üzə çıxıb.

Qeyd edək ki, “Qalatasaray” – “Fənərbaxça” oyunu 0:0 hesablı bərabərliklə nəticələnib.