İtaliyanın Tarvizio şəhərində keçiriləcək 20 yaşadək yeniyetmələr arasında şahmat üzrə açıq dünya çempionatında 61 ölkədən 152 zəka ustası, o cümlədən 27 qrossmeyster iştirak edəcək.

Azərbaycanın idman şərəfini bu turnirdə Elxan Bayramov qoruyacaq.

Yeniyetmə qızların yarışında isə 90 şahmatçı, o cümlədən 8 qrossmeyster mübarizə aparacaq. Azərbaycanı bu yarışda beynəlxalq qrossmeyster Günay Məmmədzadə təmsil edəcək. O, mükafata iddiaçılar arasındadır.

Dünya çempionatı noyabrın 13-dən 25-dək keçiriləcək.

Azərtac.az