"Yuventus"dan ayrılan qapıçı Canluici Buffon komandanın ötən mövsüm qarşılaşdığı çətinliklərdən və klubu tərk etməsinin səbəbləri danışıb.

BrendSport.az xəbər verir ki, o, "Football İtalia"ya açıqlamasında deyib: “İlk uğursuzluqlardan sonra komandanın coşğusunun dağıldığından narahat idim. Həqiqi azarkeşlər ilk çətinliklərlə üzləşəndə komandanı günahlandırmamalıdır. "Yuventus"u dəstəkləyirimsə, oyunçular yalnız fevrala qədər deyil, mövsüm ərzində mənim üçün ən yaxşıdır.

Məni əsəbiləşdirən başqa bir şey də var idi. Sadəcə Andrea Pirlo ilə dost olduğum üçün “Barselona”ya qarşı oynadığımı düşünənlər var idi. Mənim hədiyyələrə ehtiyacım yoxdur. Məndən şübhələndikləri hissi məni "Yuventus"dan getməyə məcbur etdi.

Güc tapmalıyam. Heç nəyə görə peşman olmaq istəmirəm. İndi çox xoşbəxtəm. Karyeramı da bitirə bilərəm. Düşünürəm ki, oynadığım müddət ərzində artıq kifayət qədər işlər görmüşəm".

Qeyd edək ki, italiyalı qolkiper "Yuventus"un Çempionlar Liqasının qrup mərhələsində "Barselona"ya qarşı oyununda (3:0) start heyətdə meydana çıxmışdı.