DÇ-2018-in final mərhələsinə vəsiqə qazanan Səudiyyə Ərəbistan millisinin baş məşqçisi Bert van Marveyk istefaya göndərilib.

Xarici mətbuatın yaydığı xəbərə görə, yeni baş məşqçi vəziəsinə Argentina yığmasının sabiq çalışdırıcısı Edqardo Bausa təyin edilib.

2015-ci ildən yığmaya rəhbərlik edən B.V.Marveykə 1.3 milyon avro məbləğində təzminat ödəniləcək.

Qeyd edək ki, Səudiyyə Ərəbistanı sentyabrın 5-də seçmə qrup mərhələsində Yaponiyanı 1:0 hesabı ilə məğlub edərək mundiala vəsiqə qazanıb.