“Barselona”nın sabiq futbolçusu Xavi Ernandes növbəti titulunu qazanıb.

Karyerasını Qətərin “Əl-Sədd” klubunda davam etdirən Xavi bu ölkənin Superkubokunu da qənimətləri sırasına daxil edib. “Əl-Sədd” “Del-Duhayl” klubuna 4:2 hesabı ilə qalib gəlib. 37 yaşlı futbolçu 2 qol ötürməsi ilə yadda qalıb.

Xavi “Əl-Sədd”də 2015-ci ildən çıxış edir. O, bu komanda ilə Qətərin Şəhzadəsi və Əmiri kuboklarını da qazanıb. Xavi hazırda komandanın oynayan məşqçisi funksiyasını yerinə yetirir.