“Arsenal”ın baş məşqçisi Arsen Venger növbəti dəfə Aleksis Sançes barədə danışıb.

Sançesin “Mançester Siti” ilə anlaşdığı deyilirdi. Ancaq transfer son anda baş tutmadı. Venger bu məsələ barədə də danışıb:

“Sançesin keçidi razılıq mərhələsindən çox uzaq idi. Mən istəyirəm ki, o, bundan sonra karyerasına, “Arsenal”da keçirəcəyi mövsümə köklənsin.

Aleksis Sançes müqaviləsinin son ilində “Arsenal”da qalacaq. Mövsümün gedişində onunla yeni müqavilə bağlamağa cəhd göstəriləcək. O, ya yeni müqavilə imzalayacaq, ya da “Arsenal”ı pulsuz tərk edəcək”.