UEFA Konfrans Liqasının pley-off mərhələsi çərçivəsində keçiriləcək “Makkabi” (Hayfa) – “Neftçi” (Bakı) matçının təyinatları açıqlanıb.
BrendSport.az xəbər verir ki, oyuna Şimali Makedoniyadan olan hakimlər təyinat alıblar. Baş hakim Aleksandar Stavrev olacaq. Ona Deyan Kostadinov və Qoçe Petreski kömək edəcəklər. Dördüncü hakim funksiyasını Deyan Yakimovski yerinə yetirəcək.
Qarşılaşmanın UEFA nümayəndəsi Tarqo Kaldoya (Estoniya), hakim-inspektor isə Rusmir Mrkoviç (Bosniya və Herseqovina) olacaq.
“Makkabi”-“Neftçi” matçı avqustun 26-da Bakı vaxtı ilə saat 21:00-da İsraildəki “Sammi Ofer” stadionunda keçiriləcək.
Qeyd edək ki, bu komandalar arasında ilk oyun avqustun 19-da “Bakcell Arena”da baş tutacaq və saat 21:00-da start götürəcək.