Martın 8-də “Sərhədçi” İdman Mərkəzində Azərbaycan Basketbol Liqasının XXI turunun açılış oyunu keçirilib.

BrendSport.az xəbər verir ki, turun ilk oyununda NTD klubu “Neftçi” ilə qarşılaşıb. Oyuna üstün başlayan NTD basketbolçuları yekunda 109:80 hesabı ilə qalib gəliblər.

Oyunun ən məhsuldar basketbolçuları “Neftçi”dən Yuri Kondrakov (26 xal, 5 ribaund), NTD-dən isə Kuinton Kempbel (26 xal, 7 ribaund) olublar.

Qeyd edək ki, XXI turun digər oyunları - "AAAF Xırdalan" - "Zirvə Astara", "Gəncə” - "Sərhədçi", "Olimpik Şəki" - "Sabah" matın 9-da və 11-12-də keçiriləcək.