I divizionun 2018/19 mövsümündə əvəzetmələrin sayı artırılıb.

Bu barədə Peşəkar Futbol Liqasının prezidenti Ramin Musayev mövsümün püşkatma mərasimində məlumat verib.

Belə ki, oyunlarda 5 əvəzetməyə icazə veriləcək: "Limitə dəyişiklik etdik, 1998-ci il təvəllüdlü futbolçulara üstünlük veriləcək. Düzdür, ola bilər ki, ilk mövsümdə çempionatın səviyyəsi ürəyimizcə olmasın. Amma ikinci ildə hər şey yoluna qoyulacaq. Yarış 2 dövrədən ibarət olacaq və 5 əvəzetməyə icazə veriləcək. Bunlar sırf yerli oyunçuların iştirakı naminədi".