Milli Paralimpiya komandamız “Tokio-2020” Yay Paralimpiya Oyunlarına 36-cı lisenziyanı qazanıb.
BrendSport.az Azərbaycan Milli Paralimpiya Komitəsinə (AMPK) istinadla xəbər verir ki, atletika üzrə millimizin üzvü Orxan Qasımov reytinq xalları qazandıran yarışlarda yüksək nəticələr göstərərək ölkəmizə 36-cı lisenziyanı qazandırıb.
Bu günədək AMPK-nın idmançıları “Tokio-2020”yə 12-si atletika, 11-i cüdo, 4-ü parataekvondo, 4-ü pauerliftinq, 3-ü üzgüçülük və 2-si güllə atıcılığı olmaqla artıq 36 lisenziya əldə ediblər və bu, rekord göstəricidir.
“Rio-2016” XV Yay Paralimpiya Oyunlarına Azərbaycan milli komandası 22 lisenziya qazanmışdı.