Qurban Qurbanovun rəhbərlik etdiyi yığmamız bu gün UEFA Millətlər Liqasında ilk matçına çıxacaq.

Bu, həm də Qurbanovun millinin sükanı arxasında ilk rəsmi matçı olacaq.

Ötən ilin noybarında baş məşqçi təyin olunan 46 yaşlı mütəxəssis bu müddətdə komandanı 6 yoldaşlıq görüşünə çıxarıb. Moldova (0:0) və Makedoniya (1:1) ilə heç-heçə edən yığma, Belarusla (0:1) Qazaxıstana (0:3) uduzub. Əvəzində, Qırğızıstan (3:0) və Latviyanı məğlubiyyətə uğradıb (3:1).

Hazırda FİFA reytinqində yığmamız 1207 xalla 105-ci, Kosovo isə 1080 xalla 141-ci yerdədir.

Qurbanovlu millimiz Kosovo, Malta və Farer adaları yığmaları ilə birgə D liqasının 3-cü qrupunda mübarizə aparır.

UEFA Millətlər Liqası

D liqası, 3-cü qrup

7 sentybar

20:00. Azərbaycan - Kosovo 0:0