"Şüa" İdman-Sağlamlıq Kompleksində stolüstü tennis üzrə gənclər və yeniyetmələr arasında Bakı şəhər birinciliyi keçirilib.
Azərbaycan Stolüstü Tennis Federasiyasından BrendSport.az-a bildiriblər ki, maraqlı mübarizə şəraitində keçən yarışda 2004 -2006, 2007-ci il təvəllüdlü və daha azyaşlı oğlan və qızlar arasında qaliblər müəyyənləşib. Belə ki, 2004-2006-cı il təvəllüdlü idmançıların yarışında qızlar arasında Xədicə Əbilzadə, oğlanların mübarizəsində Emin Məmmədov qalib olublar. Banu Baytallı 2007-ci il təvəllüdlü və daha az yaşlı qızlar, Rüstəm Hacılı isə eyni yaş qrupunda oğlanların turnirində birinci yeri tutublar.
Mükafatçılar diplom və medallarla təltif olunublar.