Avropa Liqası: “Qarabağ” ilk üç oyununda qələbə qazanan yeganə komandadır
![](/uploads/posts/2023-08/medium/1692958733_577dad4f-43fe-35e9-90c2-a225b9d5d9dc_850.jpg)
“Qarabağ” 2023/2024 mövsümündə UEFA Avropa Liqasının ilk üç oyununda qələbə qazanan yeganə komandadır.
BrendSport.az xəbər verir ki, Azərbaycan çempionu III təsnifat mərhələsində keçirdiyi hər iki görüşdə, həmçinin pley-offun ilk duelində rəqibini məğlub edib.
Əvvəlki raundda Finlandiya təmsilçisi HİK-i hər iki qarşılaşmada 2:1 hesabı ilə üstələyən Qurban Qurbanovun yetirmələri ötən gün Sloveniyada “Olimpiya”nın qapısından 2 cavabsız top keçiriblər.
Turnirin III təsnifatdan başlayan cari mövsümündə İsveç “Haken”i də mübarizəyə ardıcıl iki qalibiyyətlə start vermişdi. Lakin adıçəkilən komanda pley-offun ilk matçında öz meydanında “Aberdin”in (Şotlandiya) müqavimətini qıra bilməyib – 2:2.
“Qarabağ” və “Haken”lə yanaşı, “Slaviya” (Çexiya), “Olimpiakos” (Yunanıstan) və “Şerif” (Moldova) turnirdə keçirdiyi ilk 3 oyunda uduzmayıblar.
Qeyd edək ki, Avropa Liqasında pley-offun cavab görüşləri avqustun 31-də keçiriləcək.
Facebook-da paylaş
![](http://tedbirler.az/ted1-660.gif)