ABŞ-nin "Hyuston Rokets" klubunda çıxış edən Alperen Şengün Milli Basketbol Assosiasiyasında (NBA) yeni rekord müəyyənləşdirib.

BrendSport.az xəbər verir ki, türkiyəli basketbolçu bir NBA matçında 35+ xal, 10+ ribaund, 5+ assist, 3+ top oğurlama, 3+ blok və 5+ üçxallıq atışla yadda qalan ilk oyunçu olub.

O, bu uğura müntəzəm mövsümün ötən turunun "Nyu-Orlean Pelikans"la matçında imza atıb. Şengün görüşü 36 xal, 13 ribaund, 7 assist, 3 top oğurlama, 3 blok və 5 üçxallıq atışla tamamlayıb.

Qeyd edək ki, qarşılaşma "Hyuston Rokets"in 134:102 hesablı qələbəsi ilə başa çatıb.