Sentyabrın 14-də futbol üzrə Türkiyə çempionatının I turunun sonuncu görüşündə "Başakşəhər" səfərdə "Hatayspor"un qonağı olub.
BrendSport.az xəbər verir ki, "Hatay Atatürk" stadionunda keçirilən qarşılaşmada hataylılar rəqib qapısından iki cavabsız top keçiriblər.
Beləliklə, Superliqada ötən mövsümün çempionu olan "Başakşəhər" cari mövsümə məğlubiyyətlə başlayıb.
Yeni mövsümdə Superliqada 21 komanda yarışır. Birinci turda "Konyaspor" istirahət edir.
Birinci turun yekun nəticələrinə görə hazırda turnir cədvəlinə 3 xalla "Göztəpə" liderlik edir. Onunla eyni xala malik olan "Fateh Karagumruk" ikinci, "Beşiktaş" üçüncü, "Qalatasaray" isə dördüncü pillədə qərarlaşıb.
Qeyd edək ki, ötən mövsüm Türkiyə çempionatının qalibi "Başakşəhər" olub.