6-7 iyun tarixlərində Bakıda Azərbaycan Avtomobil Federasiyasının təşkilatçılığı ilə “Classics & Supercars” avtomobil festivalı keçirilib.

BrendSport.az xəbər verir ki, Dənizkənarı Milli Park ərazisində təşkil olunan və iki gün davam edən festivalda klassik və yüksək sürətli avtomobillər nümayiş olunub.

Azərbaycan Su İdman Növləri Federasiyası da festivala qatılıb. Federasiyanın kayak və yelkən qayıqları Xəzər dənizində nümunəvi çıxışlar nümayiş etdirərək tədbirə xüsusi rəng qatıb və iştirakçıların böyük marağına səbəb olub.