“Sumqayıt“ın prezidenti Riad Rəfiyev “Azərikimya” İB-nin Müşahidə Şurasının sədri İmran Arzumanzadədən görüş istəyib.

Bu barədə BrendSport.az -a klubdan bildirilib.

O, klubun baş sponsoru olan təşkilatın rəhbəri ilə görüşdə avrokuboklar və növbəti mövsümlə bağlı planları müzakirə etmək fikrindədir. Bunun üçün ciddi əsas var: büdcə ilə əlaqəli suallar hələ açıq qalıb.

Konfrans Liqasında mübarizə aparacaq «kimyaçılar» bir müddət sonra hazırlığı bərpa etməli, üstəlik, seleksiya çalışmalarına başlamalıdır.

İndidən bəllidir ki, büdcə artımı olmasa, yeniliklərə imza atmaq çətinlik yaradacaq. Çünki futbolçuların əksəriyyətinin müqavilə müddəti başa çatıb və onlara başqa klublardan xeyli təkliflər var.

Rəfiyev ötənilki ilə müqayisədə büdcənin bir qədər artırılımasına istəyir və Arzumanzadə ilə görüşməkdə məqsədi də buna nail olmaqdır.