"Neftçi"də çıxış edən Filip Ozobiç Azərbaycan millisindəki karyerasını sonlandırmaq istəmir.

BrendSport.az xəbər verir ki, 33 yaşlı yarımmüdafiəçi bu barədə "Sportske.jutarnji.hr" nəşrinə müsahibəsində bildirib.

Əslən Xorvatiyadan olan oyunçu Millətlər Liqası və dünya çempionatının seçmə mərhələsində çıxış etmək niyyətindədir:

"Niyə də olmasın? Sağlam və formada olsam, daha çox oynamaq istərdim".

Qeyd edək ki, Filip Ozobiç 2021-ci ildən Azərbaycan yığmasının formasını geyinir.