Azərbaycan Atıcılıq Federasiyası (AAF) Bakıda keçiriləcək stend və güllə atıcılığı üzrə Dünya Kubokunun rəsmi posterini təqdim edib.

BrendSport.az xəbər verir ki, yarış Bakı Atıcılıq Mərkəzində təşkil olunacaq.

Turnirdə 80-dən çox ölkədən 400-dən artıq idmançının və 300-dən çox texniki heyətin iştirakı gözlənilir.

Dünya Kubokunun biletləri yaxın günlərdə “Iticket.az” saytında satışa çıxarılacaq.

Qeyd edək ki, yarış mayın 1-dən 12-dək keçiriləcək.