Avqustun 8-də Tokio XXXII Yay Olimpiya Oyunlarında qadın basketbolçular arasında yarışın final görüşü keçirilib.
BrendSport.az xəbər verir ki, Olimpiadanın finalında ABŞ və Yaponiya komandaları qarşılaşıblar. Olimpiya Oyunlarının finalına ilk dəfə vəsiqə qazanan Yaponiya komandasından fərqli olaraq, ABŞ artıq yeddinci dəfədir qızıl medallar uğrunda mübarizə aparıb.
Oyunun ilk dəqiqələrindən təşəbbüsü ələ alan ABŞ komandası rəqibinə heç bir şans verməyib. Bütün oyunboyu üstünlüklərini qoruyan amerikalılar 90:75 hesabı ilə qalib gələrək qızıl medallara sahib olublar.
Qeyd edək ki, qadın basketbolçuların yarışında üçüncü yeri Fransa komandası tutub.