Azərbaycan paracüdoçuları Yaponiyanın paytaxtı Tokioda keçirilən Qran-pridə iki gümüş medal qazanıblar.

BrendSport.az xəbər verir ki, 60 kiloqram çəki dərəcəsində mübarizə aparan Vüqar Şirinli həlledici raundda özbəkistanlı rəqibi Kemran Nurillayevə məğlub olaraq gümüş medalın sahibi olub.

Qadınlardan Şəhanə Hacıyeva (48 kiloqram) isə final görüşündə qazaxıstanlı Nautbek Akmarala uduzub və ikinci yeri tutub.

Qeyd edək ki, J2 kateqoriyasında mübarizə aparan hər iki idmançı 2021-ci ildə Tokioda keçirilmiş Yay Paralimpiya Oyunlarının qalibi olub.