“Ferensvaroş”a qarşı daha əvvəl də oynamışıq. Buna görə də onları yaxşı tanıyırıq”.

BrendSport.az xəbər verir ki, bu sözləri “Qarabağ”ın futbolçusu Abdullah Zubir UEFA Çempionlar Liqasının pley-off mərhələsində səfərdə Macarıstanın “Ferensvaroş” klubuna qarşı keçirəcəkləri ilk oyundan əvvəl təşkil olunan mətbuat konfransında deyib.

O, Macarıstan təmsilçisinin iddialı komanda olduğunu bildirib: “Meydanda əzmkar mübarizə aparırlar. Biz isə öz oyunumuzu göstərib, Bakıya sərfəli nəticə ilə qayıtmaq istəyirik”.

Qeyd edək ki, avqustun 19-da keçiriləcək “Ferensvaroş” – “Qarabağ” oyunu Bakı vaxtı ilə saat 23:00-da başlayacaq. Cavab qarşılaşması avqustun 27-də Bakıda olacaq.