"Neftçi" klubu yayda legioneri ilə yollarını ayıracaq. Paytaxt klubu mövsümün sonunda Yeqor Boqomolskini heyətindən göndərəcək.

BrendSport.az xəbər verir ki, Bakı təmsilçisi ilə müqaviləsi 2025-ci il iyunun 30-dək olan belaruslu forvard komandaya gələndən özünü təsdiq edə bilməyib.

Mövsümün əvvəlində "Minsk"dən "Neftçi"yə transfer olmuş Boqomolskinin icarəyə göndərilməsi variantı da mümkündür.

İyirmi üç yaşlı futbolçu “Dinamo”nun yetirməsidir. O, həmçinin “Rux” və “Minsk” klublarında da oynayıb.