Futbol üzrə UEFA Region kuboku yarışlarının 2022/2023-cü il mövsümünün püşkü atılıb.
BrendSport.az xəbər verir ki, ölkəmizi təmsil edəcək komanda ilkin mərhələdən mübarizəyə başlayacaq. Təmsilçimiz ilkin mərhələnin ikinci qrupunda Belarus komandası ilə qarşılaşacaq. Birinci qrupda isə Gürcüstan, Qazaxıstan, Estoniya təmsilçiləri üz-üzə gələcəklər.
Qrup qalibləri finalda növbəti mərhələyə vəsiqə qazanmaq uğrunda mübarizə aparacaqlar. Bu mərhələnin oyunları gələn ilin iyununda Belarusda təşkil olunacaq və qalib komanda əsas mərhələdə Türkiyə, Portuqaliya və Finlandiya komandasına rəqib olacaq.
Qeyd edək ki, ölkəmizi turnirdə Region Liqasının 2021/2022-ci il mövsümünün qalibi təmsil edəcək.