UEFA Azərbaycanın 4 klubuna ödəniş edib.
BrendSport.az AFFA-ya istinadla xəbər verir ki, bu, ölkə təmsilçilərinin Çempionlar Liqası və Konfrans Liqasının 2021/2022-ci il mövsümünün təsnifat mərhələsində iştirakı ilə əlaqədardır.
Vəsait AFFA-nın vasitəçiliyi ilə klubların hesabına köçürülüb.
“Neftçi” Çempionlar Liqasında iştirak üçün 200 min avro əldə edib. “Keşlə” və “Sumqayıt” Konfrans Liqasına görə 450 min avro, “Qarabağ” isə eyni turnirə qatıldığı üçün 100 min avro alıb.
Qeyd edək ki, bu komandalardan yalnız “Qarabağ” və “Neftçi” Konfrans Liqasında mübarizəni davam etdirir. Ağdam təmsilçisi pley-off mərhələsində Şotlandiyanın “Aberdin”, “Neftçi” isə İsrailin “Makkabi” (Hayfa) komandası ilə qarşılaşacaq.