Avropa çempionatı: Azərbaycanın amputant millisinin oyunlarının təqvimi açıqlanıb
![](/uploads/posts/2024-05/medium/1714562109_17145601411847515176_1200x630.jpg)
Amputant futbolçulardan ibarət Azərbaycan millisinin Avropa çempionatındakı oyunlarının təqvimi açıqlanıb.
BrendSport.az xəbər verir ki, C qrupunda yer alan yığma ilk matçında İrlandiya seçməsi ilə üz-üzə gələcək. İyunun 2-də oynanılacaq görüş Bakı vaxtı ilə saat 19:00-da başlayacaq.
Milli komanda bir gün sonra Türkiyə kollektivini sınağa çəkəcək. Həmin qarşılaşma Bakı vaxtı ilə saat 14:00-da start götürəcək.
Azərbaycan yığması qrupdakı son oyununu isə iyunun 4-də İsrail komandasına qarşı keçirəcək. Matçın başlama saatı Bakı vaxtı ilə saat 13:00-dır.
Qeyd edək ki, Avropa çempionatı iyunun 1-dən 8-dək Fransada keçiriləcək.
Facebook-da paylaş
![](http://tedbirler.az/ted1-660.gif)