"Real Madrid"in uruqvaylı yarımmüdafiəçisi Federiko Valverde "Liverpul"a keçə bilər.

BrendSport.az xəbər verir ki, bu barədə “El Nacional” məlumat yayıb.

Məlumata görə, İngiltərə klubu təklifi 70 milyon avrodan 90 milyon avroya yüksəldib. Valverdenin bazar dəyəri 100 milyon avrodur.

2022/2023 mövsümündə Valverde "Real Madrid"in heyətində bütün turnirlərdə 56 oyun keçirib, 12 qol vurub və 7 məhsuldar ötürmə edib.

Daha əvvəl "Mançester Yunayted"in Valverdeni alacağı deyilirdi.