“Neftçi”nin baş məşqçisi Elxan Abdullayev istefa verib.
Bu barədə məlumatı klubun mətbuat xidməti yayıb.
Abdullayev bu gün baş məşqçi vəzifəsindən istefa verib. İstefa ərizəsi ilə “Neftçi”nin rəhbərliyinə müraciət edən mütəxəssisin ərizəsi qəbul edilib.
Xatırladaq ki, Abdullayev ötən mövsümün gedişində Bakı klubunun "sükanı arxasına" keçmişdi. Komanda onun rəhbərliyi altında 2016/17 mövsümünü 8 komanda arasında 7-ci pillədə başa vurmuşdu. "Neftçi" yeni mövsümə ardıcıl iki məğlubiyyətlə başlayıb. "Ağ-qaralar" son turda ölkə çempionatının debütantı "Səbail"ə uduzub. Ötən mövsümün gedişində və debütanta məğlubiyyətdən sonra "ağ-qaralar"ın azarkeşləri Abdullayevi istefaya səsləmişdilər.