Çinin Hubey vilayətində yaşayış məhəlləsində təbii qaz partlayışı baş verib.
BrendSport.az vilayət hökumətinin məlumatına istinadla xəbər verir ki, partlayış nəticəsində dağıntılar altında qalanların 11 nəfəri ölüb, 37-si ağır yaralanıb.
Hadisə Şiyan şəhərinin Canvan rayonunda yerli vaxtla səhər saat 6:30 radələrində baş verib. Bildirilir ki, partlayış nəticəsində ərazidəki bazar xüsusilə dağıntıya məruz qalıb. Sosial şəbəkələrdə yayılan videolarda ərazidə xeyli dağılmış binalar görünür.
Hazırda ərazidə axtarış-xilasetmə işləri aparılır.


AZERTAC