Fevralın 22-də Rumıniyanın Arad şəhərində yeniyetmə və gənc boksçular arasında beynəlxalq turnir start götürəcək. Altı gün davam edəcək yarışda Azərbaycan milli komandaları 34 idmançı ilə təmsil olunacaq.

BrendSport.az saytının Gənclər Şöbəsi xəbər verir ki, gənc idmançıların mübarizəsində rinqə baş məşqçi Elbrus Rzayev, məşqçilər Elvin Məmişzadə və Ceyhun Əbiyevin rəhbərliyi altında Rauf Məmmədov, Ramal Yolçuyev (hər ikisi 48 kq), Sübhan Məmmədov (51 kq), Ömər Aslanlı, Tağı Nəsibov (hər ikisi 54 kq), Məhəmmədəli Aşurəliyev, Məhəmmədəli Qasımzadə (hər ikisi 57 kq), Nadir Məlikov, Nəsir Səyyad (hər ikisi 60 kq), Aslan Quliyev (63,5 kq), Ziya Həsənov (71 kq), Fərhad Şeydayev (75 kq), İlfan Xəlilli (80 kq), İsmayıl İsmayılov (86 kq), Səbuhi Əlizadə (92 kq) və Həsən Sadıqzadə (92 kq-dan yuxarı) çıxacaqlar.

Aradda yeniyetmələrdən ibarət yığmaya isə baş məşqçi Vaqif Kazımov və məşqçi Teymur Məmmədov rəhbərlik edəcəklər. Çalışdırıcılar turnirdə Bilalhəbəşi Nəzərov, Əli Baxışov (hər ikisi 46 kq), Sübhan Babayev (48 kq), Faiq Mollayev, Bağır Əmirxanlı (hər ikisi 50 kq), Eldar Abdullazadə, Raul Əsədullayev (hər ikisi 52 kq), Elbrus Kərimli (54 kq), Orucəli Cavadzadə, Vaqif Hacıyev (hər ikisi 57 kq), İbrahim Mirhəsən (60 kq), Kənan Aslanlı Tərlan Əhmədov (hər ikisi 63 kq), Rüstəm Neymətov, Rövşən Abbasov (hər ikisi 66 kq), Kənan İsayev, Hüseyn Hüseynli (hər ikisi 70 kq) və İlkin Məmmədliyə (80 kq) şans verəcəklər.

Yarışda ölkəmizi hakim kimi Məsməxanım Səlimova təmsil edəcək.

Bu gün səfərə yollanan komanda fevralın 27-də Bakıya qayıdacaq.

Qeyd edək ki, turnirdə 25 ölkədən 300-dək boksçunun iştirakı gözlənilir.