"Qarabağ"ın baş məşqçisi Qurban Qurbanov Çempionlar Liqasının ilkin təsnifat mərhələsinin püşkatmasının nəticələri ilə bağlı düşüncələrini bölüşüb.

Mütəxəssis klubun rəsmi saytına açıqlamasında çətin rəqiblə düşdüklərini söyləyib:

"Çox çətin rəqiblə qarşılaşacağıq. Belə rəqiblə qarşılaşmaya pley-off matçı kimi meydana çıxacağıq. Artıq bu gündən rəqibi analiz etməyə başlayacağıq ki, oyuna qədər maksimum hazır olaq. Əlimizdən gələni etməyə çalışacağıq. Bizə ən çətin və gözlənilməz rəqib düşdü".