Qarşıda bizi gözəl işlər gözləyir. Futbolun inkişafı naminə yeniliklərə imza atacağıq. Çətin dövr olsa da, AFFA, futbol ictimaiyyəti idmanın bu növünə geridə qalmaması üçün əllərindən gələni etdi.

BrendSport.az saytı xəbər verir ki, bunu AFFA-nın prezidenti Rövnəq Abdullayev qurumun fevralın 2-də keçirilən hesabat konfransında deyib.
R.Abdullayev bildirib ki, klubların sayının artırılması, ictimai fondların yaradılması yeni uğurlara təkan verəcək. İctimai fondlar hər bir bölgənin öz komandalarına yiyələnməsi anlamına gəlir. Hər bir sakin öz komandasının oyununa getməlidir. Onlar bu istiqamətdə bir addım atsalar, biz iki addım atacağıq.