21 yaşadək futbolçulardan ibarət Azərbaycan milli komandası Ukraynada Valeri Lobanovskinin xatirəsinə həsr olunmuş beynəlxalq turnirdə iştirak edəcək.

BrendSport.az Ukrayna Futbol Federasiyasının saytına istinadən xəbər verir ki, turnirdə Özbəkistan və Tunisin U-21 yığmaları da qüvvəsini sınayacaq. Azərbaycan millisi Ukrayna, Tunis isə Özbəkistanla qarşılaşacaq.

Qeyd edək ki, turnir 26-28 mayda təşkil olunacaq.