Qana millisinin sabiq üzvü Maykl Essyen "Səbail"lə müqavilə imzalayıb.

BrendSport.az Graphic.com.gh saytı istinadən xəbər verir ki, 36 yaşlı futbolçu paytaxt klubu ilə 2020-ci ilin may ayına kimi müqavilə bağlayıb. Essyen "Səbail"in U-19 komandasının köməkçi məşqçi kimi də fəaliyyət göstərəcək.

Essyen karyerası ərzində Fransanın "Bastiya”, "Lion", İngiltərənin "Çelsi", İspaniyanın "Real", İtaliyanın "Milan” , Yunanıstanın "Panatinaikos" və İndoneziyanın "Persib Bandunq" klublarının formasını geyinib.