Gənc boksçular arasında Azərbaycan birinciliyi davam edir.

BrendSport.az xəbər verir ki, respublikanın müxtəlif şəhər və rayonlarının klublarını, həmçinin idman cəmiyyətlərini təmsil edən 35 komandanın qatıldığı yarışın ikinci günündə 32 döyüş baş tutub.

Yarışın ilk günündə 36 görüş keçirilib. 1/4 final mərhələsi isə fevralın 15-də yekunlaşacaq. Həmin gün 32 qarşılaşma olacaq.

Fevralın 16-da finalçılar müəyyənləşəcək. Birinciliyin təqvimində edilən dəyişikliyə əsasən, həlledici görüşlər bir gün tez – fevralın 17-nə təsadüf edəcək.

Qeyd edək ki, Boks Mərkəzində keçirilən çempionatda 10 çəki dərəcəsində 150-yə yaxın boksçu qüvvəsini sınayır.