Azərbaycan Futbol Federasiyaları Assosiasiyası rəsmi saytı vasitəsilə tenderlərin tətbiqinə başlayır.

BrendSport.az xəbər verir ki, AFFA-nın müxtəlif layihələri üzrə zəruri texnika, avadanlıq, mal-material alınması üçün ictimaiyyətə açıq tenderlər elan olunacaq. Yeni sistemin tətbiqi ilə bağlı ətraflı məlumat ilk tenderin elanı zamanı qurumun rəsmi saytında yerləşdiriləcək.

Tenderlər bir müddət öncə AFFA-nın daxilində həyata keçirilməyə başlanmış IRP (Təşkilatın İdarəetmə Sistemi) sisteminin davamı olaraq tətbiq olunacaq.