İyulun 27-də badminton idman növündə Azərbaycan təmsilçisi Olimpiya Oyunlarında debüt
edib.
BrendSport.az xəbər verir ki, kişi badmintonçuların şəxsi yarışında yeganə təmsilçimiz Edi Reski Dviçayo “L” qrupunda ilk görüşünə çıxıb. Qarşılaşmada E.R.Dviçayo Vyetnam idmançısı Tien Minh Nguyenlə qarşılaşıb. Təmsilçimiz rəqibini 2:0 hesabı ilə məğlub edib.
M.Nguyen birinci görüşdə bu qrupda yer alan digər badmintonçu danimarkalı Anders Antonsenə 0:2 hesabı ilə uduzub. Azərbaycan idmançısı qrupda sonuncu oyununu iyulun 28-də A.Antonsenə qarşı keçirəcək. Turnirin reqlamentinə əsasən 14 qrupda ilk sırada yer alacaq badmintonçular və iki ən yaxşı ikinci pillənin sahibləri səkkizdəbir final mərhələsinə vəsiqə qazanacaq.