Rusiyanın paytaxtı Moskvada (WRPF) pauerliftinq üzrə dünya çempionatında Azərbaycan idmançıları uğurla çıxış ediblər.
BrendSport.az xəbər verir ki, pauerliftinq üzrə komandanın üzvlərindən Hüseyn Hüseynov (52 kq), Ramin Süleymanzadə (60 kq), Fərdi Qurbanov (82,5 kq), Məhəmməd Hüseynov (90 kq), Rövşən Xəlilov (75 kq), Elvin Müzəffərov (67,5 kq), Nihad Quliyev (100 kq), Ramil Əhmədov (100 kq) bütün rəqiblərini məğlub edərək qızıl medal qazanıblar. Digər təmsilçimiz Kamran Lazımov (82,5 kq) isə gümüş medal əldə edib.
Pauerliftinqin deadlift növündə isə Namiq Mehdiyev (90 kq), Raif Süleymanov (90 kq, veteranlar), Hafiz Verdiyev (100 kq), Nicat Xosrovzadə (125 kq) qızıl, Roman Əhmədov (82,5 kq) gümüş, Aydın Hümbətov (125 kq) isə bürünc medala sahib olublar.