Noyabrın 18-də Macarıstanın Azərbaycandakı səfirliyinin təşəbbüsü, Gənclər və İdman Nazirliyi və Azərbaycan Dövlət Bədən Tərbiyəsi və İdman Akademiyasının (ADBTİA) təşkilatçılığı ilə “Krav Maga: qadınlar üçün özünümüdafiə sistemi” adlı seminar keçirilib.
Nazirlikdən BrendSport.az-a bildiriblər ki, ADBTİA-nın güləş zalında keçirilən seminara şiddət və zorakılıq hallarına qarşı gənc xanımların özünü müdafiə edə bilməsi məqsədilə qeydiyyatdan keçərək müraciət etmiş gənc xanımlar qatılıblar.
Seminar zamanı iştirakçılara özünümüdafiə sistemi ilə bağlı tövsiyələr verilib, həmçinin praktiki olaraq bir sıra təmrinlər nümayiş etdirilib.
Növbəti seminar noyabrın 20-də təşkil ediləcək.