Firuz Eyvazov Şamaxı Avropa Liseyinin IX a sinif şagirdidi. Sinifdə əlaçı olan Firuz Azərbaycan rəqslərini çox sevir.

"Firuz, rəqslə idmanın fərqi varmı?" - sualımıza cavab olaraq bunları dedi: Azərbaycan rəqsləri çox dinamikdir. Rəqs də bir növ idmandır. Tanınmış aktyor-idmançı Ceki Canın sürətli olmasının sirri rəqsdədir. Özünün dediyinə görə o, gündə 30 dəqiqə rəqs edirmiş. Bizim rəqslərdə "Cəngi" əsl idman rəqsidir. Milli güləşin rəqsidir. Qəhramanlıq rəmzi olan Koroğlunun da belində qılıncla bərabər sazı da olub. Biz müdrik xalqıq. Arzu edirəm "Cəngi" sədaları Qarabağda səslənsin.

Əliqasım Məmmədov,
ADPU-nun I kurs tələbəsi