Basketbolun 3x3 növü üzrə federasiyaların yeni reytinq cədvəli açıqlanıb.

BrendSport.az xəbər verir ki, Beynəlxalq Basketbol Federasiyasının (FIBA) tərtib etdiyi siyahıda Azərbaycan Basketbol Federasiyası (ABF) da yer alıb.

Millimizin Dünya Qadın Seriyasındakı mütəmadi iştirakı və “Neftçi” klubunun 4 qat mərhələ çempionu olması sayəsində ABF Avropa üzrə 7-ci, dünya üzrə isə 11-ci pillədə qərarlaşıb.

Qeyd edək ki, Azərbaycanın 3x3 qadın millisi 2024-cü ilin aprelində Paris Yay Olimpiya Oyunlarına lisenziya verən təsnifat turnirində iştirak edəcək.