12-13 iyun tarixlərində Şuşa şəhərində qadınlar arasında 3x3 basketbol üzrə Dünya Qadın Seriyasının oyunları baş tutacaq. 3x3 qadın milli komandamızla yanaşı ikisi klub komandası olmaqla ümumilikdə 8 komanda yarışda iştirak edəcək.

BrendSport.az xəbər verir ki, iştirakçı komandaları sizlərə təqdim edirik. Almaniya, Niderland, Rumınya, Macarıstan, Türkiyə, Azərbaycan 3x3 qadın yığma komandaları, Yaponiyanın "G FLOU" və yerli təmsilçimiz "Neftçi" klubu da Dünya Qadın Seriyasında mübarizə aparacaqlar.

Qeyd edək ki, 3x3 basketbol üzrə Dünya Qadın Seriyasında Şuşa mərhələsinin oyunları Şuşa şəhər "Tut Bağında" keçiriləcək və CBC Sport telekanalı vasitəsilə basketbol sevərlərə təqdim olunacaqdır.