“Yuventus”un futbolçusu Kriştiano Ronaldo Çempionlar Liqasında “Valensiya” ilə keçirilən oyunda (2:0) qırmızı vərəqə alıb.

Qarşılaşmanın baş hakimi Feliks Brix köməkçisi ilə məsləhətləşdikdən sonra Ronaldoya birbaşa qırmızı vərəqə göstərib. Bu, portuqal futbolçunun ÇL-də ilk qırmızı vərəqəsi olub.

Ronaldonun bacısı Katya Aveyru “instagram”da qardaşının meydandan qovulmasına münasibət bildirib:

“Bu, bütün futbol üçün biabırçılıqdır. Gec-tez, ədalət zəfər çalacaq. Onlar qardaşımı məhv etmək istəyirlər. Ancaq Allah hər şeyi görür”.