"Qarabağ"ın yeni transferi Simeon Slavçev komandanın düşərgəsinə qoşulub. Azərbaycan çempionunun rəsmi səhifəsi Bolqarıstan millisinin üzvü Simeon Slavçevin klubun formasında çəkilmiş fotosunu yayımlayıb.

Slavçev karyerasına vətənində - "Liteks" klubunda başlayıb (2010-2014). 2011-ci ildə Bolqarıstanın "Çavdar" klubuna icarəyə verilən yarımmüdaiəçi 2014-cü ildə 2,5 milyon avroya "Sportinq"ə transfer edilib. O, 2015-ci ildə İngiltərənin "Bolton", 2015-2016 mövsümündə Cənubi Kiprin "Apollon", 2016-cı ildə Polşanın "Leçiya" klublarına icarəyə verilib.

Bolqarıstanın aşağı yaş qrupları üzrə yığmalarında çıxış etmiş futbolçu 2013-cü ildən dəvət aldığı A millidə 17 oyun keçirib.

Bu "Qarabağ"ın 5-ci transferi olub. Ağdam klubu bundan əvvəl Filip Ozobiç, Rahil Məmmədov, Abdullah Zubir və Hannes Halldorssonu heyətinə qatıb.