Nüfuzlu “Forbes” nəşri bu il Milli Basketbol Assosiasiyasında (NBA) ən çox gəlir əldə edən basketbolçuların siyahısını dərc edib.

BrendSport.az xəbər verir ki, siyahıya "Qolden Steyt" klubunun formasını geyinən Stefen Karri başçılıq edir.

37 yaşlı amerikalı basketbolçunun ümumi qazancı müqaviləsi üzrə aldığı maaş, reklam və digər kommersiya gəlirləri ilə birlikdə 159,6 milyon ABŞ dolları təşkil edib.

Bu il ən çox qazanan 10 basketbolçu:

1. Stefen Karri (“Qolden Steyt”) - 159,6 milyon dollar

2. Lebron Ceyms (“Los-Anceles Leykers”) - 137,6 milyon dollar

3. Kevin Dürant (“Hyuston Rokets”) - 104,3 milyon dollar

4. Yannis Adetokunbo (“Miluoki Buks”) - 99,1 milyon dollar

5. Ceyson Teytum (“Boston Seltiks”) - 79,1 milyon dollar

6. Entoni Edvards (“Minnesota”) - 65,6 milyon dollar

7. Coel Embiid (“Fladelfiya”) - 65,2 milyon dollar

8. Cimmi Batler (“Qolden Steyt”) - 65,1 milyon dollar

9. Şay Gilqeus-Aleksandr (“Oklahoma-Siti Tander”) - 63,3 milyon dollar

10. Nikola Yokiş (“Denver Naqqets”) - 63,2 milyon dollar