Bu yay heyətinə qatdığı oyunçularla diqqətləri üzərinə çəkən "Liverpul" növbəti səs-küylü transferə hazırlaşır.

Britaniya mətbuatının yaydığı xəbərə görə, mersisaydlılar indi də "Arsenal"ın yarımmüdafiəçisi Aaron Remzi ilə maraqlanır. Klub rəsmilərinin yaxın günlərdə 27 yaşlı futbolçu üçün "topçular"la danışığa başlayacağı iddia olunur.

Qeyd edək ki, Uels millisinin üzvünün xidmətində "Çelsi" və "Barselona" da maraqlıdır. Remzinin "Arsenal"la müqaviləsi 2019-cu ilin yayında başa çatacaq.