DÇ-2018-in seçmə mərhələsində millimizin rəqibi olan Norveç yığmasının baş məşqçisi Lars Laqerbek açıqlama verib.

BrendSport.az xəbər verir ki, baş məşqçi Norveç mətbuatına açıqlamasında sentyabrın 1-də millimizlə keçiriləcək oyun haqda danışıb:

“Azərbaycan millisi əvvəllər əsasən müdafiədən oynayırdı, indi rəqibimiz daha güclüdü. Yarımmüdafiə xəttində braziliyalı futbolçu (Riçard Almeyda) çıxış edir. Onların bizi təəccübləndirəcəyini düşünmürəm. Amma komandamı bütün vəziyyətlərə hazırlayacam. Hədəfimiz qələbə qazanmaqdı”.

Sentyabrın 1-də Osloda keçiriləcək Norveç - Azərbaycan matçı Bakı vaxtı ilə saat 22:45-də başlayacaq.