“Monako” və PSJ “knyazlıq klubu”nun gənc futbolçusu Kilian Mbappenin keçidi ilə bağlı razılığa gəliblər.

Bu barədə məlumatı Fransa mətbuatı yayıb. Xəbərdə Paris təmsilçisinin 18 yaşlı hücumçunun keçidiylə bağlı “knyazlıq klubu” ilə razılığa gəldiyi qeyd edilib.

Müqaviləyə əsasən, PSJ Mbappeni 2 illik icarəyə götürəcək. İcarə müddətinin sonunda isə 180 milyon avro ödəyərək onun transfer hüququna yiyələnəcək.

Futbolçunun bu gün Parisə gedərək tibbi baxışdan keçəcəyi, daha sonra isə rəsmi müqavilə bağlayacağı gözlənilir.